Tann besta lýsingin er hon, ið hevur ta bestu myndina og megnar at geva lesaranum ella hyggjaranum okkurt, ið fangar eygað. Vit hava drúgvar royndir í myndatøku til lýsingar, og okkum dámar best, um vit koma við í arbeiði so tíðliga sum gjørligt, so vit eisini kunnu geva okkara íkast við hugskotum og uppskotum, so endaliga úrslitið verður tað besta. Somuleiðis kunnu vit viðgera myndir til lýsingar, so tær hóska enn betur til endamálið, og eisini laga vit arbeiðið í sambandi við myndatøkurnar eftir, hvat myndirnar skulu brúkast til og hvat tær skulu lýsa.
